Gleðileg jól og farsælt komandi ár! Mynd/ Stefán Snæbjörnsson Stilltir og prúðir dvergschnauzer-hundar njóta sumarblíðunnar í ágúst 2010. Hvolpar Gjóska er 4 mánaða glæsilegur hvolpur. Hún leitar að góðu heimili. Helguhlíðar Líf, þriggja mánða og bráðefnilegur hvolpur undan Grímu frá Ólafsvöllum og Sasquehanna Grog, sem bæði eru meistarar. Líf ætlar að búa hjá okkur í Helguhlíð. Átta sprækir svart og silfur hvolpar komu í heiminn 2. apríl 2010, fimm tíkur og þrir rakkar. Foreldrar eru meistararnir Isch Gríma frá Ólafsvöllum og Plch Isch Sasquehanna Grog. Hér eru myndir af hvolpunum.   Við óskum öllum farsældar á nýju ári! Hvolparnir eru allir komnir til nýrra eigenda sinna. Mynd/Þorsteinn Kristinsson Hvolpar undan meisturum Fimm gullfallegir og heilbrigðir svart-silfur hvolpar komu í heiminn 8. september 2009. Foreldrar eru meistararnir, Isch Díana frá Ólafsvöllum og Plch Isch Sasquehanna (FCI) Grog, sem kallaður er Grojack. Alls komu fjórar tíkur og einn rakki og heilsast þeim öllum vel. Myndir af hvolpunum Isch Díana frá Ólafsvöllum Plch Isch Sasquehanna (FCI) Grog Gjöf frá Ólafsvöllum Rauðstjörnótt merfolald bættist í hópinn sumarið 2009. Myndir hér. Afmælissýning HRFÍ í ágúst 2009 Gríma frá Ólafsvöllum fékk þriðja meistarastigið sitt á afmælissýningu HRFÍ í ágúst 2009 og öðlaðist þar með nafnbótina Íslenskur meistari. Fimm mánaða sonur hennar, Pjakkur litli, stóð sig líka eins og hetja og var besti hvolpur tegundar í yngri hvolpaflokki. Helguhlíðar Pjakkur kom, sá og sigraði í flokki yngri hvolpa, á aldrinum 4 - 6 mánaða og er hér stoltur ásamt rósettunni sinni og verðlaunagrip. Helguhlíðar Pjakkur var í 4. sæti í úrslitakeppni hvolpa á aldrinum 4 - 6 mánaða, á afmælissýningu HRFÍ. Hann er hér með eiganda sínum, Kristni Halldórssyni. Helguhlíðar Skotta var fánaberi á þjóðhátíð á Seltjarnarnesi 17. júní, þar sem nokkrir hundar sýndu listir sínar að beiðni bæjaryfirvalda. Þessi fallega mynd af Skottu var síðan notuð í auglýsingu fyrir 40 ára afmæli Hundaræktarfélags Íslands. Mynd/Pétur Alan Guðmundsson Helguhlíðar Skotta náði frábærum árangri á veiðiprófi í maí 2009. Við tókum þátt í veiðiprófi Írsk setterdeildarinnar með alla hundana okkar 1. - 3. maí 2009. Helguhlíðar Skotta náði frábærum árangri og var í 2. sæti í keppnisflokki. Mjög virtur írskur dómari, Raymond O’Dwyer, dæmdi, en hann hefur dæmt veiðipróf víða um heim, meðal annars stór próf í Noregi, auk þess sem hann dæmdi á Evrópumótinu í Frakklandi fyrr á þessu ári. Aðstæður í prófinu voru frekar erfiðar, veðrið rysjótt og fuglinn órólegur. Gömlu hundarnir, Trix 11 ára og Sparta 10 ára unnu vel, en náðu ekki að nýta þau færi sem gáfust og hið sama má segja um unglinginn í hópnum, Mína, sem nú er 10 mánaða. Helguhlíðar Skotta, sem er sjö ára, nýtti færin mun betur. Hún tók þátt á laugardag og sunnudag. Fyrri daginn var hún í opnum flokki, þar sem hún náði þriðju einkunn, en daginn eftir bætti hún sig verulega og varð önnur í keppnisflokki. Myndir eru hér.

Sex sprækir hvolpar komu í heiminn 27. mars 2009, fimm rakkar og ein tík.

Foreldrar: ISCH Hassanhill's Cover Me (Bónó) x Gríma frá Ólafsvöllum

Feldlitur: Svartur og silfur. Myndir af foreldrum og hvolpum eru hér.

Hvolparnir fá að kynnast öllum hliðum lífsins og eru misjafnlega áhugasamir um það sem á vegi þeirra verður, eins og sjá má á þessari mynd.

Alþjóðleg vorsýning HRFÍ 2009

Dómari Seamus Oates frá Írlandi.

Edo, sem heitir fullu nafni C.I.B. ISCH Scedir Edgar Allan Poe, var BOB (besti hundur tegundar) og fékk 4. alþjóðlega meistarastigið sitt. Hann er því orðinn íslenskur og alþjóðlegur meistari. Hann varð jafnframt í 4. sæti í tegundahópi 2, þar sem mikill fjöldi stórglæsilegra hunda keppti.

Mynd/Þorsteinn Kristinsson
Edo hefur verið mjög sigursæll og er nú bæði íslenskur og alþjóðlegur meistari.

Tæplega tveggja ára dóttir hans, Helguhlíðar Þorgerður Katrín var BOS (besti hundur tegundar af gagnstæðu kyni) og fékk 3. íslenska meistarastigið sitt og hið fyrsta alþjóðlega.

Mynd/Þorsteinn Kristinsson
Helguhlíðar Þorgerður Katrín fékk 3. íslenska og 1. alþjóðlega stigið sitt.

Helguhlíðar Mamma Mía var besti hvolpur tegundar, fékk heiðursverðlaun og mjög góða umsögn. Gotsystir hennar, Helguhlíðar Mirra fékk einnig mjög góða umsögn og var annar besti hvolpur tegundar.

Gríma frá Ólafsvöllum fékk frábæra dóma, einkunnina Excellent og meistaraefni. Hún var 3. besta tík tegundar.

Gríma frá Ólafsvöllum var 3. besta tík tegundar, fékk frábæra dóma og meistaraefni.

C.I.E. ISCH Vatnsenda Orka, enska pointer-tíkin okkar tók þátt í keppni ungra sýnenda með Sóleyju Rögnu Ragnarsdóttur 13 ára. Þær stóðu sig mjög vel og voru valdar í fjögurra manna úrslit í yngri aldursflokki.

Orka hefur tvisvar sinnum tekið þátt í keppni ungra sýnenda með Sóleyju og í bæði skiptin hefur þeim gengið mjög vel.

Allir hvolparnir komnir með heimili
Snásahvolparnir hennar Díönu eru allir komnir með heimili. Nýjar myndir koma inn fljótlega.

Helguhlíðar Þorgerður Katrín var valin besta tík tegundar og fékk sitt annað meistarastig, við erum voða montin af stelpunni, til hamingju Brynja og fjölskylda og takk fyrir að hugsa svona vel um Kötu,

Gríma varð í öðru sæti og fékk meistara efni. Gríma var líka í Ólafsvalla ræktunarhópnum sem var valin besti ræktunarhópur laugardagsins.

Sóley Ragna Ragnarsdóttir var með Orku í ungum sýnendum yngri flokki og stóðu þær sig frábærlega og enduðu í þriðja sæti.

Marssýning HRFÍ

Á vorsýningu HRFÍ sem haldin var 1-2 mars varð Edo besti rakki tegundar og hlaut bæði íslenskt og alþjóðlegt meistarastig og vorum við að sjálfsögðu mjög ánægð með það. Við vorum líka afskaplega stolt af Helguhíðar Þorgerði Katrínu en “Kata” hlaut sitt fyrsta meistarastig á sýningunni, aðeins 9 mánaða gömul og óskum við eigendum hennar til hamingju með árangurinn og þá sérstaklega henni Sóleyju Rögnu Ragnarsdóttur sem keppti með Kötu í ungum sýnendum og hafnaði í 4 sæti.

19. janúar síðastliðinn fékk Gríma sitt annað meistarastig, á deildarsýningu Schnauzerdeildar, dómari var Željka Fon Zidar frá Slóveníu.

Orka Meistari

Á sýningu HRFÍ 6.-7. okt. var Orka í fyrsta skipti sýnd í opnum flokki, og hlaut hún bæði íslenskt og alþjóðlegt meistarastig, en hana vantaði eitt íslenskt meistarastig í opnum flokk til að verða íslenskur meistari. Hún hafði fyrir þrjú ísl. meistarastig og eitt alþjóðlegt, auk þess sem hún er með mjög góðan árangur á veiðiprófum (ma. 2 X 1. UF).

Október sýningin

Gríma tól þátt í sinni fyrstu sýningu og var valin besti hundur tegundar fékk ísl. meistarastig (of ung fyrir CACIB) og varð í 3. sæti í tegundarhóp 2.

Díana var önnur besta tík og fékk CACIB (alþjóðlegt meistarastig.)

Edo varð annar besti rakki og fékk CACIB

Veiðiprófsfréttir

Helgina 29.-30. september tóku mæðgurnar Sparta og Skotta þátt í veiðiprófi, það gekk nánast ekkert upp hjá Skottu þessa helgi (hún náði samt 2. einkunn) en Sparta stóð sig frábærlega og hafnaði í öðru sæti í keppnisflokk. Þetta gerir að endanleg staða á stigalista fuglahundadeildar er þannig að Skotta datt niður um eitt sæti og endar í öðru sæti en Sparta klifraði upp listann og endaði í þriðja sæti, Trix hafnaði í áttunda sæti. Vatnsenda Nóra er stigahæðst en hún er systir Orku, en ári eldri.

Úrslit sýningar
Á sumarsýningu Hundaræktarfélagsins sem var haldinn 23.-24. júní var Scedir Edgar Allan Poe "Edo" valin besti hundur tegundar og fékk sitt annað meistarastig. Edo er pabbi hvolpanna hennar Díönnu.

Fuglahunda- og Schnauzer sýningin

Hundunum okkar gekk vel á sýningunni 13 maí sl. Orka fékk meistarastig og varð önnur besta tík á eftir mömmu sinni Donnu. Sparta fékk 1.einkunn. Edo varð besti hundur tegundar með meistarastig og gerði sér lítið fyrir og varð einnig besti hundur sýningar!

Gestur númer

Helguhlíðar - Email: maggak@vortex.is
vefsíða: www.tzus.net